ಕುಣಿಯ: ಸಮಸ್ತ ಶತಾಬ್ದಿ ಮಹಾಸಮ್ಮೇಳನದಲ್ಲಿ ಭಾಗವಹಿಸಲು ಕರ್ನಾಟಕದಿಂದ ಆಗಮಿಸುವ ವಾಹನಗಳಿಗೆ ಅತೀ ದೊಡ್ಡ ನಿರಾಳತೆ ದೊರಕಿದೆ. ಸಮಾರಂಭದಲ್ಲಿ ಭಾಗವಹಿಸಲು ಬರುವ ಕರ್ನಾಟಕ ನೋಂದಾಯಿತ ವಾಹನಗಳಿಗೆ ಕಡ್ಡಾಯವಾಗಿದ್ದ ತಾತ್ಕಾಲಿಕ ಅನುಮತಿ (TP) ಪಡೆಯುವ ಬಗ್ಗೆ ವಿನಾಯಿತಿ ನೀಡಲಾಗಿದೆ.
ಸಮ್ಮೇಳನದಲ್ಲಿ ಭಾಗವಹಿಸಲು ಸಾವಿರಾರು ವಾಹನಗಳು ಗಡಿಯನ್ನು ದಾಟಿ ಬರುತ್ತಿವೆ. ಟಿ.ಪಿ. ಸಂಬಂಧಿತ ಪ್ರಕ್ರಿಯೆಗಳು ಹಲವರಿಗೆ ತೊಂದರೆಯಾಗುತ್ತಿದ್ದ ಹಿನ್ನೆಲೆಯಲ್ಲಿ ಕರ್ನಾಟಕ ಸಮಸ್ತಾಭಿಮಾನಿಗಳ ವಿನಂತಿಮೇರೆಗೆ ಶುಕ್ರವಾರ ಕಾಸರಗೋಡು ಸಿವಿಲ್ ಸ್ಟೇಷನ್ನಲ್ಲಿ ಆರ್ಟಿಒ ಜೆರಾಡ್ ಹಾಗೂ ಎಂ.ವಿ.ಡಿ ಅಧಿಕಾರಿಗಳ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ, ಕರ್ನಾಟಕದಿಂದ ಸಮಸ್ತ ಸಮ್ಮೇಳನಕ್ಕೆ ಆಗಮಿಸುವ ಟ್ಯಾಕ್ಸಿ ವಾಹನಗಳಿಗೆ ಚೆಕ್ಪೋಸ್ಟ್ ತೆರಿಗೆಯನ್ನು ವಿನಾಯಿತಿ ನೀಡಲಾಗಿದೆ.
ತಲಪಾಡಿ ಮತ್ತು ಪೆರ್ಲ ಚೆಕ್ಪೋಸ್ಟ್ಗಳಲ್ಲಿ ಫೆಬ್ರವರಿ 8ರಂದು ಬೆಳಿಗ್ಗೆ 9 ಗಂಟೆಯಿಂದ ಸಂಜೆ 5 ಗಂಟೆಯವರೆಗೆ ತೆರಿಗೆ ವಿನಾಯಿತಿ ಜಾರಿಗೆ ಇರುತ್ತದೆ. ಇದರಿಂದ ಕರ್ನಾಟಕದಿಂದ ಬರುವ ಕಾರ್ಯಕರ್ತರಿಗೆ ಸಮ್ಮೇಳನ ನಗರಿಗೆ ಇನ್ನಷ್ಟು ಸುಲಭವಾಗಿ ತಲುಪಲು ಅವಕಾಶ ಸಿಕ್ಕಿದೆ.
ಇದೇ ವೇಳೆ, ಸಮ್ಮೇಳನಕ್ಕೆ ಸಂಬಂಧಿಸಿದ ವಾಹನಗಳಲ್ಲಿ ಸಮಸ್ತ ಶತಾಬ್ದಿ ಸಮ್ಮೇಳನದ ಅಧಿಕೃತ ಧ್ವಜವನ್ನು ಕಟ್ಟುವುದು ಕಡ್ಡಾಯಗೊಳಿಸಲಾಗಿದೆ. ಗುರುತಿನೀಡಿಕೆ ಮತ್ತು ವ್ಯವಸ್ಥೆಗಳನ್ನು ಸುಗಮಗೊಳಿಸುವ ಉದ್ದೇಶದಿಂದ ಈ ಸೂಚನೆ ನೀಡಲಾಗಿದೆ. ಈ ಮೂಲಕ ಗಡಿಭಾಗಗಳಿಂದ ಆಗಮಿಸುವ ಸಾವಿರಾರು ಜನರಿಗೆ ನಿರಾಳತೆಯಾಗಿದೆ.
ಸಮ್ಮೇಳನವನ್ನು ಎಲ್ಲರಿಗೂ ಸುಲಭ ಮತ್ತು ಕ್ರಮಬದ್ಧವಾಗಿ ನಡೆಸುವ ಹಾಗೂ ಸಂಚಾರದಟ್ಟಣೆಯನ್ನು ನಿವಾರಿಸುವ ಉದ್ದೇಶದಿಂದ ವಿವಿಧ ಮಟ್ಟಗಳಲ್ಲಿ ನಡೆಯುತ್ತಿರುವ ಪ್ರಯತ್ನಗಳ ಭಾಗವಾಗಿ ಈ ಮಹತ್ವದ ನಿರ್ಧಾರ ಕೈಗೊಳ್ಳಲಾಗಿದೆ.
ಯಾವುದೇ ಕಾನೂನು ಸಂಬಂಧಿತ ಸಮಸ್ಯೆಗಳು ಎದುರಾದಲ್ಲಿ ಅಡ್ವ. ತ್ವಯ್ಯಿಬ್ ಹುದವಿಯನ್ನು (ಫೋನ್: 9946 888 444) ಸಂಪರ್ಕಿಸುವಂತೆ ಸಂಘಟಕರು ತಿಳಿಸಿದ್ದಾರೆ.
